ბორჯომში “ვისოლის” ბენზინგასამართი სადგური დააყაჩაღეს

ბორჯომის შესასვლელში შეიარაღებულმა ნიღბიანმა კომპანია “ვისოლის” კუთვნილი ბენზინგასამართი სადგური დააყაჩაღა. წაღებულია 600 ლარამდე თანხა. 

შინაგან საქმეთა სამინისტროს ინფორმაციით, მომხდართან დაკავშირებით გამოძიება სისხლის სამართლის კოდექსის 179-ე მუხლით დაიწყო, რაც ყაჩაღობას გულისხმობს.
უწყებაში განმარტავენ, რომ ამ დროისთვის ინტენსიური საგამოძიებო მოქმედებები მიმდინარეობს.

წყარო: ტელეკომპანია “ბორჯომი”