18 იანვარი წყლის კურთხევის დღეა
დღეს დიდი აიაზმის წესით წყლის კურთხევის დღეა. დიდი აიაზმა წელიწადში ორჯერ, ნათლისღების წინა დღეს და ნათლისღებას სრულდება.
წყალკურთხევას სხვაგვარად აიაზმას უწოდებენ. „აიაზმა“ ბერძნული სიტყვაა და ნაკურთხ წყალს ნიშნავს.
დიდი აიაზმა ეკლესიაში ხვალ, 19 იანვარს, ნათლისღების დღესასწაულზეც აღესრულება.
ნაკურთხი წყალი ეკლესიაში მთელი წლის განმავლობაში გამოიყენება. თუ ტაძარს ნაკურთხი წყალი მოაკლდა, წლის ნებისმიერ დროს შეიძლება შესრულდეს მცირე წყალკურთხევა.
ნაკურთხი წყლით იკურთხევა ტაძრები, ჯვრები, ხატები. ნაკურთხ წყალს მოძღვრები ასხურებენ მორწმუნეებს. იგი აგრეთვე სახლის კურთხევისას გამოიყენება.
ნათლისღების დღესასწაულზე მორწმუნეებს სახლებში მიაქვთ მცირეოდენი ნაკურთხი წყალი, რომელსაც მთელი წლის განმავლობაში იყენებენ.
დონორები
9arkhi.wordpress.com 
You must be logged in to post a comment.