ახალციხის მუნიციპალიტეტში, ცენტრალურ მაგისტრალზე, სათვალთვალო კამერები დამონტაჟდება

ახალციხის მუნიციპალიტეტის საკრებულომ, 2017 წლის ბიუჯეტის პროექტი, გამგეობას ერთი რეკომენდაციით დაუბრუნა. რეკომენდაცია ცენტრალურ მაგისტრალზე: ვალე –აწყურისა და ჭაჭარაქი–მინაძის მონაკვეთებზე სათვალთვალო კამერების დამონტაჟებას შეეხება.

ახალციხის გამგებლის თქმით, საპატრულო პოლიციასთან  მოლაპარაკებები უკვე მიმდინარეობს. მაგისტრალზე 8–დან – 12–მდე კამერა დამონტაჟდება.  სათვალთვალო კამერების მონტაჟისთვის გამგეობამ ბიუჯეტში  35 000 ლარი გაითვილისწინა.

2017 წლის ბიუჯეტის პროექტი წარმომადგენლობითმა ორგანომ გამგეობას ერთი რეკომენდაციით  25 ნოემბერს დაუბრუნა. ჩასწორებული ვარიანტი საკრებულოს დასამტკიცებლად,10 დეკემბერს გადაეგზავნება.