ახალციხის #1 საარჩევნო უბანზე ხმებს ითვლიან

20:00 საათზე დაიხურა ახალციხის #1 საარჩევნო უბანი. ამომრჩეველთა ხელმოწერებისა და გამოუყენებელი ბიულეტენების გადათვლის შემდეგ, ხმის დათვლის პროცესი დაიწყო.

სამი მთვლელი კენჭისყრის შედეგეად გამოვლინდა. უბანზე სულ 1292 ამომრჩეველი იყო რეგისტრირებული. აქედან არჩევნებში მონაწილეობა 596 მათგანმა მიიღო. პროცესს პოლიტიკური პარტიებისა და არასამთავრობო ორგანიზაციების დამკვირვებლები ადევნებდნენ თვალს. მათი თქმით, ხმის მიცემის პროცესმა მშვიდ ვითარებაში ჩაიარა. უბანზე არც ერთი საჩივარი არ დაწერილა. თავმჯდომარის თქმით, ხმის დათვლა დაახლოებით, 3 საათში დასრულდება.