ქალაქ ახალციხის 13 უბნიდან, 11–ში ,,ნაციონალური მოძრაობის” მერობის კანდიდატმა გაიმარჯვა

ქალაქ ახალციხეში, მერის შუალედური არჩევნები, 13 უბანში ჩატარდა. აქედან  11–ში ,,ერთიანი ნაციონალური მოძრაობის” კანდიდატმა, ირაკლი ერეკლიშვილმა, ორში კი ,,ქართული ოცნების” მიერ წარდგენილმა კანდიდატმა, ვლადიმერ ზედგინიძემ გაიმარჯვა. 

ახალციხის საოლქო საარჩევნო კომისიაში ამბობენ, რომ ქალაქის პირველი პირის შესარჩევად, მეორე ტური ვლადიმერ ზედგინიძესა და ირაკლი ერეკლიშვილს შორის გაიმართება.

ქალაქ ახალციხის მერის რიგგარეშე არჩევნებში სულ ხუთი კანდიდატი მონაწილეობდა.