ვალეში სკვერების რეაბილიტაცია მიმდინარეობს
ქალაქ ვალეში სკვერების რეაბილიტაცია დაიწყო. სამშენებლო სამუშაოები ვაჟა-ფშაველას ქუჩაზე, საზოგადოებრივი ცენტრის მიმდებარე ტერიტორიასთან და ცხრა აპრილის ქუჩაზე მიმდინარეობს.
ახალციხის გამგეობის ინფორმაციით, პროექტის ფარგლებში ცხრა აპრილის ქუჩაზე მდებარე სკვერში ბილიკები და ბორდიურები მოეწყო, ასევე დაიგო დეკორატიული ქვაფენილი. სკვერში დამონტაჟდება სკამები და არსებული ღობე აღდგება.
საზოგადოებრივი ცენტრის მიმდებარე ტერიტორიასთან არსებულ სკვერში კი კიბის საფეხურები ბაზალტის ფილებით მოპირკეთდა, ხოლო სავალ ბილიკებზე დეკორატიული ფილები დაიგო.
სკვერების სამშენებლო სამუშაოები ადგილობრივი ბიუჯეტიდან ფინანსდება.
დონორები
9arkhi.wordpress.com 
You must be logged in to post a comment.