30 ივლისს წმინდა მარინეს ხსენების დღე აღინიშნება
მართლმადიდებლური სამყარო 30 ივლისს წმინდა მარინეს ხსენების დღეს აღნიშნავს. დღესასწაულს განსაკუთრებულად აღნიშნავენ რაბათში, წმინდანის სახელობის ტაძარში.
წმინდა დიდმოწამე მარინე ანტიოქიაში წარმართი ქურუმის ოჯახში დაიბადა. დედით დაობლებულის ზრუნვა მამამ ძიძას მიანდო, რომელმაც იგი ქრისტიანული ერთგულებით აღზარდა.
როდესაც იმპერატორმა დიოკლიტიანემ მართლმორწმუნეთა დევნა დაიწყო, ქრისტიანების დასასჯელად ანტიოქიაში ეპარქი ოლიბრი გაგზავნა. იგი მარინეს სილამაზით მოიხიბლა და გადაწყვიტა სარწმუნოების უარყოფასა და ცოლობაზე დაეყოლიებინა. თუმცა, ვერც მუქარამ და ვერც პირფერობამ გაჭრა. ქალწულმა სჯულის შეცვლაზე უარი თქვა. განრისხებულმა ეპარქმა, მისი წამება ბრძანა. წმინდა მარინემ უფლის მეოხებით, არაერთი განსაცდელი დაითმინა. ბოლოს კი მას თავი მოჰკვეთეს. ქალწულთან ერთად სარწმუნოებისთვის 1 500 ქრისტიანი ეწამა.
დონორები
9arkhi.wordpress.com 
You must be logged in to post a comment.