სამცხე–ჯავახეთში 180 პროექტი, ,,მიკრო და მცირე მეწარმეობის განვითარების“ ფარგლებში დაფინანსდა

პროექტის ,,მიკრო და მცირე მეწარმეობის განვითარების“ ფარგლებში, სამცხე–ჯავახეთის შვიდივე მუნიციპალიტეტიდან, სახელმწიფოსგან თანადაფინანსებისთვის  240 პირი შეირჩა.

ამ ეტაპზე პროექტის ბოლო ფაზა – ბენეფიციარებთან ხელშეკრულებების გაფორმება მიმდინარეობს. 180 გამარჯვებულ პროექტზე გრანტის გაცემა, აგვისტოდან დაიწყება.

პირველ ეტაპზე, სამცხე–ჯავახეთიდან 1 500–მდე ბიზნეს იდეა დარეგისტრირდა. აქედან 650–მდე ბენეფიციარი, ტრენინგისთვის შეირჩა. 550–მდე პირმა ბიზნეს–გეგმების კონკურსში მიიღო მონაწილეობა. მათგან გამარჯვებული 240 ბენეფიციარია.