ახალქალაქში საჯარო მოხელეებზე 117 120 ლარის პრემია–დანამატი გაიცა
ახალქალაქის მუნიციპალიტეტში საჯარო მოხელეებზე 2016 წელს პრემიები და დანამატი გაიცა. “მეცხრე არხის” მიერ ოფიციალურად გამოთხოვილი ინფორმაციის თანახმად, გამგეობის თანამშრომლებზე გაცემული პრემია 81 850 ლარს შეადგენს, შტატგარეშე თანამშრომლებზე – 3 170 ლარს.
რაც შეეხება 2016 წელს ახალქალაქის საკრებულოს თანამშრომლებზე გაცემულ პრემიებს, თანხამ 29 210 ლარი შეადგინა, ხოლო შტატგარეშე თანამშრომლებმა 1 390 ლარის პრემია მიიღეს.
დოკუმენტის თანახმად, ახალქალაქის გამგეობა–საკრებულოში დანამატი გაიცა მხოლოდ ერთჯერ, მიმდინარე წლის აპრილის თვეში, რომელმაც ჯამში 1 500 ლარი შეადგინა.
მთლიანად, ახალქალაქის მუნიციპალიტეტის გამგეობასა და საკრებულოში გაცემული პრემია–დანამატების საერთო ჯამი 117 120 ლარია.
თიკო კურტანიძე
დონორები
9arkhi.wordpress.com 
You must be logged in to post a comment.