ბათუმი – ახალციხის საავტომობილო გზის რეაბილიტაცია იწყება

საავტომობილო გზების დეპარტამენტის თავმჯდომარის მოადგილემ და ტენდერში გამარჯვებული კომპანიის დირექტორმა ბათუმი–ახალციხის საავტომობილო გზის მონაკვეთის რეაბილიტაციასთან დაკავშირებით ხელშეკრულებას ხელი მოაწერეს.

ბათუმი-ახალციხის საავტომობილო გზა, გოდერძის უღელტეხილის გავლით, უმოკლესი მანძილით აკავშირებს საქართველოს სამხრეთ რეგიონებს აჭარასთან, ბათუმის საზღვაო პორტთან, შავიზღვისპირეთის კურორტებთან და  სარფის საბაჟო-გამშვებ პუნქთან.

ბათუმი–ახალციხის საავტომობილო გზის სარეაბილიტაციო მონაკვეთი ახალციხისა და ადიგენის მუნიციპალიტეტების ტერიტორიაზე გადის.

პროექტის ფარგლებში დაგეგმილია  გზის სავალი ნაწილის რეაბილიტაცია, რკინა-ბეტონის ხიდის მშენებლობა,  რკინიგზაზე გადასასვლელის რეკონსტრუქცია და სხვა სამუშაოები.

წყარო: http://1tv.ge/ge/news/view/121774.html