7 დაკავებულიდან ერთი მოქალაქე გაათავისუფლეს

ყალბი საგადასახადო დოკუმენტების დამზადებისა და გამოყენების ფაქტზე დაკავებული შვიდი მოქალაქდან ერთ–ერთი მათგანი თავისუფალია. მისი ადვოკატის ირაკლი ბარძიმაძის განმარტებით, ფაქტი ადიგენის სატყეო სამსახურში მოხდა. მისივე თქმით, აღკვეთის შეფარდება 13 იანვარს ახალციხის რაიონულ სასამართლოში მოხდება.

ფინანსთა სამინისტროს საგამოძიებო სამსახურმა, 7 მოქალაქე დააკავა. საქმეზე ჩატარებული გამოძიებით დადგინდა, რომ ბრალდებულებს ხე-ტყის ტრანსპორტირებისათვის საჭირო სასაქონლო ზედნადებში, სისტემატურად შეჰქონდათ ყალბი მონაცემები მასალის წარმოშობის დამადასტურებელი დოკუმენტაციის შესახებ, რის შემდეგაც, აღნიშნული ყალბი ოფიციალური დოკუმენტებით ახორციელებდნენ უკანონოდ მოპოვებული ხე – ტყის მასალის ტრანსპორტირებასა და რეალიზაციას საქართველოს მასშტაბით.

ფინანსთა სამინისტროს საგამოძიებო სამსახურის ინფორმაციით, დაკავებული მეწარმე სუბიექტების მიერ ჩადენილი დანაშაული 2-დან 4 წლამდე თავისუფლების აღკვეთას ითვალისწინებს.