მინდია შაინიძემ, ზანავში, სოციალურად დაუცველ ოჯახებს საჩუქრები გადასცა

საქველმოქმედო აქცია „იმედის გმირი“–საგან. მინდია შაინიძემ საკუთარი სახსრებით, ადიგენის სოფელ ზანავში საახალწლო საჩუქრები, ხუთ სოციალურად დაუცველ ოჯახს გადასცა. როგორც თავად ამბობს, ეს დასაწყისია და სამომავლოდ, წინასაახალწლოდ ხელმოკლე ოჯახების დახმარებას ადიგენის მუნიციპალიტეტის მასშტაბით აპირებს.

მინდია შაინიძის თქმით, იდეა პროექტის „იმედის გმირების“ ფარგლებში გაჩნდა. ახალგაზრდა სპორტსმენი, საქველმოქმედო აქციას, ერთ–ერთ ფინალისტთან ერთად აწყობს. იგი მსგავსი სახის ღონისძიებებში „იმედის გმირების“ სხვა მონაწილეების ჩართვასაც აპირებს.