ახალციხის მუნიციპალიტეტში ხე–ტყის უკანონო გადაზიდვის 4 ფაქტი აღკვეთეს
გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო მოპოვებისა და ტრანსპორტირების ოთხი ფაქტი გამოავლინეს.
ახალციხის მუნიციპალიტეტის სოფელ ანში გადამოწმების მიზნით შეჩერებული იქნა სატვირთო ავტომანქანა. დადგინდა, რომ მძღოლი მოპოვებული 7 მ3 ფიჭვის სახეობის მრგვალი მორის ტრანსპორტირებას უკანონოდ ახორციელებდა .
უკანონოდ მოპოვებული 17 ცალი 3მ სიგრძის მრგვალი მორის ტრანსპორტირებას ახდენდა სამართალდამრღვევი ახალციხის სოფელ აგარაშიც.
ასევე, გადამოწმების მიზნით იქნა გაჩერებული სოფელ თისელში სატვირთო ავტომანქანა, რომელიც 2მ3 პირველადი გადამუშავების პროდუქტის ფიცარის ტრანსპორტირებას შესაბამისი დოკუმენტაციის გარეშე ახდენდა.
სოფელ თისელშივე გამოვლინდა კიდევ ერთი ფაქტი. სამართალდამრღვევს გადაჰქონდა 3,7 მ3 პირველადი გადამუშავების პროდუქტი – ფიცარი. მას არ ჰქონდა შესაბამისი დოკუმენტაცია.
აღნიშნული ავტომანქანები დაილუქა.
შედგენილია შესაბამისი აქტები.
დონორები
9arkhi.wordpress.com 
You must be logged in to post a comment.