NDI-ს კვლევის თანახმად, ახალციხის მერის საქმიანობას გამოკითხულთა 29% დადებითად აფასებს

NDI-ს კვლევის თანახმად, ახალციხის  მერის გიორგი კოპაძის საქმიანობას გამოკითხულთა 29% დადებითად აფასებს, 53%– საშუალოდ, ხოლო 8% – უარყოფითად. მათგან 7%–ს კითხვაზე პასუხი არ აქვს.

ადგილობრივი თვითმმართველობის ინსტიტუტების საქმიანობის შეფასების კატეგორიაში NDI-მ მოსახლეობა თვითმმართველი ქალაქების მერების საქმიანობის შესახებ გამოკითხა. მათ შორის ყველაზე დიდი მაჩვენებელი, მუშაობის დადებითად შეფასების მხრივ, ახალციხის მერს ერგო. ხოლო საქმიანობის უარყოფითად შეფასების თვალსაზრისით – თბილისის მერს დავით ნარმანიას (36% ).

კვლევა „ეროვნულ-დემოკრატიულმა ინსტიტუტმა“  ,,CRRC-საქართველოსთან“  ერთად განახორციელა. გამოკითხვა 8 აგვისტო-10 სექტემბრის პერიოდში ჩატარდა. პირდაპირი ინტერვიუს ფორმატით 4, 448 პირი გამოიკითხა. კვლევის საშუალო ცდომილება კი +/_3.01%-ია.