ხე-ტყის ტრანსპორტირება და უკანონოდ მოქმედი სახერხი საამქრო – კანონდარღვევის ფაქტები სამცხე–ჯავახეთში

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ხე-ტყის უკანონო ტრანსპორტირების ორი ფაქტი გამოავლინეს.

ადიგენის მუნიციპალიტეტში, გადამოწმების მიზნით გაჩერებული იქნა მიკროავტობუსი, რომლის ძარაზეც დატვირთული იყო უკანონოდ მოპოვებული საშეშე მერქანი. რაც შეეხება მეორე ფაქტს, ბორჯომის მუნიციპალიტეტში გაჩერებული მიკროავტობუსის ძარაზე ნაპოვნი იქნა პირველადი გადამუშავების პროდუქტი ფიცარი. მძღოლი ტრანსპორტირებას  შესაბამისი დოკუმენტაციის გარეშე ახდენდა.

უკანონოდ მოქმედი სახერხი საამქრო გამოავლინეს  ბორჯომის მუნიციპალიტეტის სოფელ ახალდაბაში.  სამმართველოს თანამშრომლებმა მისი დემონტაჟი მოახდინეს და საფინანსო სააგენტოში გადაიტანეს.