სამცხე–ჯავახეთში კანონდარღვევის ფაქტები გამოავლინეს

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა სამსახურეობრივი უფლებამოსილების განხორციელებისას ხელის შეშლის ფაქტზე პირის მიმართ ადმინისტრაციული სამართალდარღვევის ოქმი შეადგინეს. კერძოდ, მიკროავტობუსის (ფორდ ტრანზიტი) მძღოლი არ დაემორჩილა გარემოსდაცვითი ზედამხედველობის დეპარტამენტის თანამშრომლის მითითებას გაეჩერებინა ავტომანქანა, რათა მომხდარიყო მისი ძარის გადამოწმება, სადაც განთავსებული ჰქონდა პირველადი გადამუშავების პროდუქტი ფიცარი.

სამმართველოს თანამშრომლებმა  უკანონოდ მოქმედი სახერხი საამქრო გამოავლინეს ადიგენის მუნიციპალიტეტის სოფელ კიკიბოში.

სახერხი საამქროს ტერიტორიაზე აღმოჩენილი იქნა უკანონოდ მოპოვებული მრგვალი მორისგან მიღებული პირველადი გადამუშავების პროდუქტი – ფიცარი.

სახერხი საამქრო დემონტაჟის შემდეგ საფინანსო სააგენტოში გადაიტანეს.