6 ოქტომბერს ახალციხეში აბონენტებს ელექტროენერგია შეზღუდვით მიეწოდებათ

6 ოქტომბერს 11:00-დან 17:00 საათამდე ახალციხის 1378 აბონენტს ელექტროენერგია გაეთიშება. „ენერგო–პრო ჯორჯიას“ სამხრეთ საქართველოს ფილიალის საზოგადოებასთან ურთიერთობის სამსახურში აცხადებენ, რომ ქვესადგურსა და მაღალი ძაბვის ფიდერებზე კომპანია გეგმიურ–პროფილაქტიკურ და სარეაბილიტაციო სამუშაოებს აწარმოებს. გიორგი ბალახაშვილის განმარტებით, აღნიშნულის გამო, ელექტროენერგიის მიწოდება შეეზღუდება – ზარზმელის, გურამიშვილის, აღმაშენებლისა და 9 აპრილის ქუჩებს და მიმდებარე დასახლებების მაცხოვრებლებს.

ექვსი საათის განმავლობაში ელექტროენერგია გაითიშება ახალციხის სოფლებშიც: ანდრიაწმინდში, ღრელსა და ანდაში.