სამცხე–ჯავახეთში უკანონო თევზჭერისა და ხე–ტყის მოპოვების ფაქტები გამოვლინდა

გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა ადიგენის მუნიციპალიტეტის სოფელ კახარეთში მდინარე ქვაბლიანიში ელექტროშოკური აპარატით თევზაობის ფაქტი გამოავლინეს.
აღნიშნულთან დაკავშირებით შედგენილია შესაბამისი აქტი. ჩამორთმეული იქნა სამართალდარღვევის იარაღი.

სამმართველოს თანამშრომლებმა კახარეთშივე აღმოაჩინეს უკანონოდ მოჭრილი მურყნის სახეობის ხე-ტყე.

ასევე, უკანონოდ მოპოვებულ ხე-ტყეს მიაკვლიეს ბორჯომის მუნიციპალიტეტის სოფელ თორში ტყის ბუდეში.

ფაქტებთან დაკავშირებით, შედგენილია შსაბამისი აქტი.