ივერიელის ქუჩაზე მინი–სტადიონი გაიხსნა

ახალციხეში ივერიელის ქუჩაზე ქალაქის  მერმა მინი–სტადიონი გახსნა. მისი რეაბილიტაციისათვის  ადგილობრივი ბიუჯეტიდან 50 000 ლარამდე გამოიყო. მერიის მიერ გამოცხადებულ ტენდერში კომპანია „მშენებელი 2004–მა“ გაიმარჯვა. სამუშაოები, დაახლოებით, თვენახევრის განმავლობაში მიმდინარეობდა. ქალაქის მერის გია კოპაძის თქმით, მინი–სტადიონებისა და სკვერების მშენებლობა ქალაქის სხვა უბნებშიც იგეგმება.