ტაბაწყურის ტბაზე თევზჭერის წესების დარღვევის ფაქტი გამოვლინდა
გარემოსდაცვითი ზედამხედველობის დეპარტამენტის სამცხე-ჯავახეთის სამმართველოს თანამშრომლებმა მორიგი პრევენციული ღონისძიების გატარებისას, ბორჯომის მუნიციპალიტეტში, ტაბაწყურის ტბაზე თევზჭერის წესების დარღვევის ფაქტი გამოავლინეს.
ბრაკონიერთა ჯგუფი ტაბაწყურის ტბაზე კანონმდებლობით აკრძალული საშუალებით – 20 მეტრის სიგრძის სახლართი ბადით თევზაობდა.
ბრაკონიერებმა გარემოსდაცვითი ზედამხედველობის დეპარტამენტის თანამშრომლებს წინააღმდეგობა გაუწიეს და კანონდარღვევის ჩადენის იარაღების ჩაბარებაზე უარი განაცხადეს. საბოლოოდ, სამართალდამრღვევებმა კანონდარღვევის ჩადენის იარაღები, მოპოვებული თევზი და კიბორჩხალა ჩამოერთვათ.
მასალები შემდგომი რეაგირებისთვის შესაბამის ორგანოებს გადაეგზავნა.
დონორები
9arkhi.wordpress.com 
You must be logged in to post a comment.