ახალციხეში, რეგიონული განვითარების ფონდიდან დაფინანსებული პროექტების განხორციელება დაიწყო

ახალციხის მუნიციპალიტეტში, რეგიონული განვითარების ფონდიდან დაფინანსებული პროექტების განხორციელება დაიწყო.

მუნიციპალიტეტის ადმინისტრაციის ინფორმაციით, ამჟამად, წყრუთი – ჭვინთა – ელიაწმინდის, ახალციხე – ტატანისი – სვირი – ბოგასა და სოფელ ზიკილიის საავტომობილო გზების რეაბილიტაცია მიმდინარეობს.

მიმდინარე წელს, პროექტის ფარგლებში აღნიშნულ გზებზე,  ორ ფენიანიასფალტო-ბეტონის საფარი დაიგება, გაკეთდება წყალამრიდი ნაგებობები, რეაბილიტაცია ჩაუტარდება არსებულ ხიდებს და მოეწყობა ახალი მილხიდები.

ასევე, გამოვლინდა გამარჯვებული კომპანია, რომელთანაც  ხელშეკრულება გაფორმდება და რამდენიმე დღეში, წყრუთი-ანის საავტომობილო გზის მიმართულებით სამუშაოები დაიწყება.