ვალეში 10 429 ლარის ღირებულების არადეკლარირებული ოქრო ამოიღეს

სსიპ შემოსავლების სამსახურის ინფორმაციით, 30 მაისს, „ვალეს“ საბაჟო გამშვები პუნქტის ტერიტორიაზე, 10429,3 ლარის ღირებულების დეკლარირებას ქვემდებარე ოქროს ნაკეთობები აღმოაჩინეს. მებაჟე ოფიცრებმა ოქროს ყელსაბამები, საათები, ბეჭდები, საყურეები, საქართველოში თურქეთიდან შემოსული რუსეთის ფედერაციის მოქალაქის, მ.ა-ს ეჭვის საფუძველზე, ფიზიკური დათვალიერების შედეგად გამოავლინეს.

საქართველოს საგადასახადო კოდექსის 289-ე მუხლის მე-10 ნაწილის საფუძველზე, რუსეთის მოქალაქეს ფულადი ჯარიმა – 10429,3 ლარის ოდენობით შეეფარდა .