ახალციხის მერიამ 8 პოზიციაზე კონკურსი გამოაცხადა

მუნიციპალიტეტებში საჯარო მოხელეთა შესარჩევი კონკურსი გრძელდება. საჯარო სამსახურის ბიუროს ვებ–გვერდზე, ვაკანსიები ახალციხის მუნიციპალიტეტის გამგეობის შემდეგ, მერიამაც გამოაცხადა. ქალაქის ადგილობრივ თვითმმართველობაში, ამ ეტაპზე  ვაკანტური 8 პოზიციაა. მათგან ორი: წამყვანი სპეციალისტი კადრებისა და წერილების საკითხებში და მთავარი სპეციალისტი იურიდიულ საკითხებში, მუნიციპალიტეტის საკრებულოს დაქვემდებარებაშია, დანარჩენზე კი თავისუფალ ადგილებს მერია აცხადებს.

1. მთავარი სპეციალისტი სოციალური უზრუნველყოფის საკითხებში (2 პოზიცია);
2. მთავარი სპეციალისტი მშენებლობის საკითხებში;
3. სპეციალისტი ბუღალტრული აღრიცხვისა და ანალიზის საკითხებში;
4. საორგანიზაციო განყოფილების უფროსი;
5. ქალაქ ახალციხის მუნიციპალიტეტის მერის წარმომადგენელი.

მსურველებს განაცხადის შევსება ელექტრონულად 7 ივნისამდე შეუძლიათ.  დოკუმენტების გადარჩევის შემდეგ, კონკურსანტები ტესტირებას გაივლიან, რომელიც 14 ივნისს გაიმართება.  მინიმალური ბარიერი 60–დან 33 ქულაა.

კონკურსის მესამე ეტაპზე გასული კანდიდატები გასაუბრებას საკონკურსო –საატესტაციო კომისიის წინაშე გაივლიან. 5 კაციანი კომისიის თავმჯდომარე ქალაქის მერი გიორგი კოპაძე, ხოლო მოადგილე, საკრებულოს თავმჯდომარე, კახაბერ ბერიძეა. ასევე, კომისიის შემადგენლოიბაში შედიან: მერის მოადგილე ზაზა თამარაშვილი, გუბერნატორის მოადგილე, ავთანდილ კაჭკაჭაშვილი და სამცხე–ჯავახეთის სახელმწიფო უნივერსიტეტის იურიდიული ფაკულტეტის დეკანი მალხაზ ლომსაძე.