ახალციხის სასმელ წყალში ნაწლავის ჩხირის ჯგუფის ბაქტერია აღმოჩნდა

ახალციხეში, ე.წ. „თვალის წყალში“  ნაწლავის ჩხირის ჯგუფის ბაქტერიები აღმოჩნდა. ინფორმაციას ,,ახალციხის მომხმარებელთა დახმარების ცენტრი” ავრცელებს. მათი თქმით, მ. იაძის ქუჩაზე არსებული წყარო, რომლითაც მოსახლეობა ყოველდღიურად სარგებლობს, ადგილობრივთა თხოვნით შემოწმდა. აღნიშნულ წყალს მოსახლეობა იმ პერიოდში იყენებს, როცა მუნიციპალური წყალმომარაგების ქსელით წყლის მიწოდება უწყდება.

,,ახალციხის მომხმარებელთა დახმარების ცენტრის”  წარმომადგენლებმა წყლის ნიმუში  2015 წლის 28 იანვარს აიღეს. მათი განმარტებით, ლაბორატორიული შემოწმების შედეგად დადგინდა, რომ წყალი სასმელად უვარგისია.