ბაკურიანში დაკარგული სამი ადამიანი იპოვეს

რამდენიმე საათიანი სამძებრო სამუშაოების შემდეგ, ბაკურიანში დაკარგული სამი ადამიანი იპოვეს. მათი ძებნა, 8 იანვარს შუადღიდან მიმდინარეობდა.

თვითმხილველების თქმით, სამივე მათგანი დიდველის მთაზე საბაგიროთი ავიდა და გზა აკრძალული მიმართულებით გააგრძელა.

მთის მართვის განვითარების მენეჯერის, თამაზ გამცემლიძის განაცხადებით,  სამივე დაკარგული ტაბაწყურის მიმდებარე ტერიტორიაზე ნახეს, ტექნიკის მიყვანა ადგილზე ვერ ხერხდება, მაშველებს დაკარგულები ფეხით მიჰყავთ.

სამივე მათგანი გადაადგილებას დამოუკიდებლად ახერხებს, ერთ-ერთი არასრულწლოვანი 11 წლის ბიჭია. მაშველები იმედოვნებენ, რომ მათ გამოყვანას დაბნელებამდე შეძლებენ.

http://borjomi.tv/?menuid=14&id=1746&lang=1