ნინოწმინდა-ახალქალაქის გზაზე თოვლში ჩარჩენილი მანქანების გამოყვანა ვერ ხერხდება

ნინოწმინდა-ახალქალაქის გზაზე ათეულობით მანქანა თოვლშია ჩარჩენილი. უამინდობის გამო ტერიტორიაზე  ავტომობილების მოძრაობა აკრძალულია.  საქართველო- სომხეთის დამაკავშირებელ ცენტრალურ მაგისტრალზე,  მოქალაქეების გამოსაყვანად მობილიზებულნი არიან სამცხე-ჯავახეთის სამხარეო მთავარი სამმართველოს ნინოწმინდის და ახალქალაქის რაიონული სამმართველოების თანამშრომლები. ამ დროისათვის სამართალდამცავები, სამაშველო ჯგუფებთან ერთად, დაახლოებით 200 ადამიანი  თოვლიდან გამოიყვანეს -მათ შორის მცირეწლოვანი ბავშვები და მოხუცები, რომლებიც რაიონში მცხოვრები პოლიციელების სახლებში გადაანაწილდნენ.