დაცვის პოლიციის დეპარტამენტმა სამცხე-ჯავახეთში მზრუნველობამოკლებულ და შშმ მოზარდებს საჩუქრები გადასცა

დაცვის პოლიციის დეპარტამენტმა შსს მინისტრ ალექსანდრე ჭიკაიძის ინიციატივით, საქველმოქმედო აქციის ფარგლებში, სამცხე-ჯავახეთში მზრუნველობამოკლებულ და შშმ მოზარდებს საჩუქრები გადასცა.
სამინისტროს პრესსამსახურის ინფორმაციით, საქველმოქმედო აქციის ფარგლებში, წინასაახალწლო პერიოდთან დაკავშირებით, 200-მდე მოზარდს დახმარება გაეწია. დაცვის პოლიციის წარმომადგენლებმა თავშესაფრების ბინადრებს ტკბილეული, სურსათი და წიგნები გადასცეს.
საქველმოქმედო აქცია დეკემბრის ბოლომდე გაგრძელდება და საქართველოს ყველა რეგიონს მოიცავს.