ახალციხის გამგებლის პირველ მოადგილედ გურამ მელიქიძე დაინიშნა

    ახალციხის მუნიციპალიტეტის გამგებლის პირველ მოადგილედ გურამ მელიქიძე დაინიშნა. აღნიშნული თანამდებობა  მან ოფიციალურად 14 ნოემბერს დაიკავა. როგორც გამგეობაში განმარტავენ, ამ დრომდე გამგებლის მოადგილის სამივე პოსტი ვაკანტური იყო. გურამ მელიქიძის დანიშვანა კი მისი პირადი განცხადების საფუძველზე მოხდა. ახლად დანიშნული საჯარო მოხელე ამბობს, რომ მას თვითმმართველობაში მუშაობის გამოცდილება არ აქვს, თუმცა სხვადასხვა დროს იყო თსუ–ს ივანე ჯავახიშვილის სახელობის  მესხეთის ფილიალის რექტორის მოადგილე, შემდეგ კი, კერძო კომპანიებში მენეჯერის თანამდებობა ეკევა. ახალციხის მუნიციპალიტეტის თვითმმართველობაში გამგებლის ორი მოადგილის პოსტი კვლავ ვაკანტური რჩება.