კომპანია “ბორჯომი” და აგრარული უნივერსიტეტი ბორჯომში ერთობლივ პროექტს ახორციელებენ

„აი დი ეს ბორჯომის საქართველო“ და აგრარული უნივერსიტეტი ბორჯომში ერთობლივ პროექტს ახორციელებენ, რომელიც ტყეების ბიოლოგიურ დაცვასა და მდგრადი ტურიზმის ხელშეწყობაზეა ორიენტირებული. პროექტის ავტორი და ხელმძღვანელი საქართველოს აგრარული უნივერსიტეტის სატყეო ინსტიტუტია. იგი სამ ძირითად მიმართულებას მოიცავს. ესენია: ტყეების გაჯანსაღება და მავნებელ დაავადებებისგან მათი ბიოლოგიური დაცვა, ეკოტურიზმის განვითარება და მოსახლეობის სამედიცინო გამოკვლევა სხვადასხვა დაავადებაზე.