ადიგენი სტიქიიდან მეორე დღეს

განადგურებული ბოსტნეული და ხეხილის ბაღები, მოშლილი ინფრასტრუქტურა და დახოცილი ფრინველი-ასე გამოიყურება ადიგენი სტიქიიდან მეორე დღეს. სოფელ ლელოვანში მცხოვრები გუბელაძეების ოჯახი მათ შორის არის, ვისაც ძლიერმა სტიქიამ სასოფლო-სამეურნეო სავარგულები გაუნადგურა და შინაური ფრინველი დაუხოცა, საცხოვრებელი სახლის სახურავი და ფანჯრები კი მნიშვნელოვნად დააზიანა.