,,ამ ფესტივალით სამცხე–ჯავახეთი გამოცოცხლდა“, ,,ყველაფერი მესხურია მასშტაბური და მრავალფეროვანი“, ,,ეს ვეფხისტყაოსნის ერთი ფურცლის გადაშლაა“– ასე შეაფასეს ,,მესხური ფესტივალი“ ახალციხეში. ღონისძიება, რომელიც ტლეკომპანია ,,მე–9 არხის“ ინიციატივითა და ორგანიზებით გაიმართა, 6 სექტემბერს, 12 საათზე სპორტული აქტივობით გაიხსნა. ტელევიზიის მიმდებარე ტერიტორიიდან ახალციხის ციხემდე მარათონი მოეწყო, რის შემდეგაც კულტურული საღამო ოფიციალურად გაიხსნა.