ახალციხეში ტაძრების მიმდებარე ტერიტორიები დასუფთავდა

პოლიეთილენის პარკები, ბოთლები, უსარგებლო ნივთები, თუნუქის ქილები– ამ და სხვა მსგავსი ნარჩენებისაგან გარემოს დასასუფთავებლად ახალციხეში აქცია მოეწყო. ურავლის ხეობაში, მაჭიხეთისა და ოხერას წმიდა გიორგის სახელობის ტაძრების მიმდებარე ტერიტორიები ახალციხის მუნიციპალიტეტის გამგეობის თანამშრომლებმა და სოფელ ღრელში, მინაძეში, ჭაჭარაქსა და ურაველში მცხოვრებმა ახალგაზრდებმა დაასუფთავეს.