სამი ახალგაზრდის მკვლელობაში ბრალდებულს წინასწარი პატიმრობა შეეფარდა

სოფელ ყარათუბანში,  სამი ახალგაზრდის მკვლეობაში ბრალდებულს,  აღმკვეთი ღონისძიებით,  წინასწარი პატიმრობა შეეფარდა.

 დავით კუბლაშვილის სასამართლო პროცესი 31 აგვისტოს, ახალციხის რაიონულ სასამართლოში,  დილის ცხრა საათზე დაიწყო.

 ბრალდებულის ადვოკატი ტარიელ ბალაბანაშვილის განმარტებით,  მომდევნო სასამართლო პროცესი 20 ოქტომბერს ჩაინიშნა.

 შეგახსენებთ, რომ ადიგენის მუნიციპალიტეტის სოფელ ყარათუბანში  მკვლელობა 28 აგვისტოს, საღამოს მოხდა. ბრალდებულის შვილთან შელპარაკება ტრაგედიით დასრულდა.

 სამი ახალგაზრდა ვაჟა ნარიმანიშვილი, გიორგი სირბილაძე და ბორის სირბილაძე,  დავით კუბლაშვილმა  სანადირო თოფით მოკლა.

 დაჭრილი ბექა სირბილაძე კი სასწრაფო სამედიცინო დახმარების ბრიგადამ “უნიმედი სამცხეს” ახალციხის კლინიკაში გადაიყვანა. მისი ჯანმრთელობის მდგომარეობა სტაბილურია.

სამართალდამცველებმა ბრალდებული მომხდარიდან რამდენიმე წუთში დააკავეს. დანაშაულის ჩადენის იარაღი – სანადირო თოფი ნივთმტკიცების სახით ამოიღეს.

გამოძიება დამამძიმებელ გარემოებებში, განზრახ მკვლელობის ფაქტზე,  საქართველოს სისხლის სამართლის კოდექსის 109-ე მუხლით მიმდინარეობს.