უდეში მომხდარი მკვლელობის საქმეს, შესაძლოა, სხვა კვალიფიკაცია მიენიჭოს

ახალციხის რაიონულ სასამართლოში სოფელ უდეში მცხოვრები  მერი აბულაძის მკვლელობაში ბრალდებულის წინასასამართლო სხდომა გაიმართა. მხარეებმა პროცესზე ის მტკიცებულებები წარადგინეს, რომელიც სხომამდე 5 დღით ადრე ერთმანეთში გაცვალეს. როგორც ბრალდებულის ადვოკატი „მეცხრე არხთან“ განმარტავს, წარმოდგენილი მტკიცებულებები სადავოა. ნუგზარ სამარჯიშვილს მიაჩნია, რომ  დანაშაული  ძლიერი სულიერი აღელვების მდგომარეობაშია ჩადენილი.