იარაღის უკანონო შემოტანის მცდელობა ვალეს საბაჟოზე

6 აგვისტოს, საბაჟო გამშვები პუნქტის, „ვალეს“ მებაჟე ოფიცრებმა იარაღის უკანონო შემოტანის მცდელობა გამოავლინეს. საბაჟო პროცედურების განხორციელებისას, თურქეთის მხრიდან შემოსული თურქეთის მოქალაქის ჰ.ო.-ის ავტომობილში მათ არადეკლარირებული პისტოლეტი SIGSAUER – 1 ცალი, პისტოლეტის SIGSAUER მჭიდი – 1 ცალი, პისტოლეტის SIGSAUER  ვაზნა – 9 ცალი და გაზის პისტოლეტის ვაზნა – 39 ცალი აღმოაჩინეს .

    შემდგომი რეაგირებისთვის საქმე შსს საპატრულო პოლიციის სამცხე-ჯავახეთის მთავარი სამმართველოს საგამოძიებო სამსახურს გადაეცა.