ახალციხეში 35 წლის ქალი მეხის დაცემის შედეგად გარდაიცვალა

   ახალციხის მუნიციპალიტეტის სოფელ ღრელში 35 წლის ქალი გარდაიცვალა.  “მეცხრე არხის” ინფორმაციით, ქალბატონი სასოფლო–სამეურნეო მიწის ნაკვეთს ამუშავებდა. მოულოდნელი წვიმის დროს მას მეხი დაეცა. როგორც ადგილობრივები ამბობენ, ქალბატონმა მიღებული ელექტრო შოკის გამო გონება დაკარგა. ოჯახის წევრებმა იგი ახალციხეში “უნიმედი სამცხეში” გადაიყვანეს. პაციენტი მედიკოსებმა რეანიმაციულ განყოფილებაში მოათავსეს, თუმცა მისი  გადარჩენა ვეღარ მოხერხდა.

35 წლის ქალბატონს ახალციხის სამედიცინო პროზექტურაში ექსპერტიზა ჩაუტარდა.  ცხედარი ოჯახის წევრებმა სახლში გადაასვენეს.

მას ორი მცირეწლოვანი შვილი დარჩა.