სამცხე–ჯავახეთში ერთი ახალი სკოლა აშენდება და 28–ის რეაბილიტაცია მოხდება

   2014  სასწავლო წლისთვის, საქართველოში რამდენიმე ასეული სკოლა გარემონტდება და ახალი სკოლები აშენდება – ეს განცხადება თამარ სანიკიძემ ჟურნალისტებთან შეხვედრაზე გააკეთა.

2014 წელს რეაბილიტაცია ჩაუტარდება: თბილისში 43 სკოლას და სამ პროფესიულ სასწავლებელს.  შიდა ქართლში -24 საჯარო სკოლას,  ქვემო ქართლში – 34 – ს, მცხეთა-მთიანეთში – 6 ს– ს, კახეთში – 21 – ს, სამცხე ჯავახეთში – 28 საჯარო სკოლას და ერთ პროფესიულ სასწავლებელს, იმერეთში –  78 საჯარო სკოლას, გურიაში – 18–ს, რაჭა-ლეჩხუმსა და ქვემო სვანეთში -11საჯარო სკოლას და სამ პროფესიულ სასწავლებელს, სამეგრელო, ზემო სვანეთი/აფხაზეთში – 56 საჯარო სკოლას და სამ პროფესიულ სასწავლებელს.

თამარ სანიკიძის განცხადებით, პროფესიული სასწავლებელების სრული რეაბილიტიაცია მოხდება –  დაწყებული შენობიდან, ინვენტარით და შესაბამისი ინფრასტრუქტურით დამთავრებული.

სკოლების რეაბილიტაციის გარდა , 2014 წელს 7 სკოლის მშენებლობა დაიწყება: გურიაში – 2, იმერეთში – ერთი, სამცხე-ჯავახეთში – ერთი, ხოლო თბილისში – 3 სკოლის.

2014 წელს საქართველოს მასშტაბით,  საგანმანათლებლო დაწესებულეების რეაბილიტაციაზე დაახლოებით 37 542  777  ლარი დაიხარჯება.  ასევე მოხდება 44 სკოლის  გაზიფიცირება და 34 სკოლაში  გათბობის ახალი სისტემა დამონტაჟდება.

 

წყარო: საქართველოს რეგიონულ მაუწყებელთა ასოციაცია.