„ბიონარკოტიკის“ წინააღმდეგ მიმართულ კამპანიას ახალციხეშიც შეუერთდნენ

     ე.წ. „ბიონარკოტიკის“ წინააღმდეგ  მიმართულ კამპანიას, რომელიც შინაგან საქმეთა სამინისტრომ წამოიწყო  ახალციხეშიც შეუერთდნენ. „არა ბიო ნარკოტიკს“ ამ სახელწოდებით ქალაქში აქცია გაიმართა. სამხატვრო სკოლის მოსწავლეებმა მეხუთე საჯარო სკოლის მიმდებარე ტერიტორიის კედელზე ანტინარკოტიკულ თემაზე შექმნილი ესკიზები გადაიტანეს. აღნიშნულით თანატოლებს მოუწოდეს, უარი თქვან ე.წ. “ბიონარკოტიკების” მოხმარებაზე.

კედლების მოხატვის აქციები ერთდროულად რამდენიმე ქალაქში გაიმართა.

შინაგან საქმეთა სამინისტრომ ანტინარკოტიკული კამპანია 24 მარტს დაიწყო. კამპანიის მიზანს ე.წ „ბიონარკოტიკის“  მავნებლობის შესახებ საზოგადოების ინფორმირება წარმოადგენს.