აქცია ახალციხეში “ნაციონალური მოძრაობის” ლიდერების წინააღმდეგ

“შორს სისხლიანი ხელები ჩვენგან”, “აღარ გვინდა კრიმინალები პოლიტიკაში”, “ნაცებო მოცოცხეთ” , „ბიუჯეტის გამფლანგველები ციხეში”,– ამ ტრანსფარანტებით დღეს ახალციხეში საპროტესტო აქცია გაიმართა. აქციის მონაწილეებმა ქალაქში ნაციონალური მოძრაობის ლიდერების ვიზიტი გააპროტესტეს. მათ ჯერ მსვლელობა ქუჩებში მოაწყვეს, რის შემდეგაც ნაციონალური მოძრაობის ახალციხის შტაბთან გადაინაცვლეს.