ახალქალაქში პროსტიტუციისთვის ადგილის გადაცემის ბრალდებით ერთი ქალი დააკავეს
შინაგან საქმეთა სამინისტრომ პროსტიტუციისათვის ადგილის გადაცემის ბრალდებით ერთი პირი დააკავა. სამცხე-ჯავახეთის სამხარეო მთავარი სამმართველოს თანამშრომლებმა, ჩატარებული საგამოძიებო და სამძებრო ღონისძიებების შედეგად, 1980 წელს დაბადებული გიულნარა მ. პროსტიტუციისთვის ადგილის გადაცემის ბრალდებით დააკავეს.
გამოძიებამ დაადგინა, რომ გიულნარა მ. ახალქალაქში, დროებით მფლობელობაში არსებულ სასტუმრო “არარატში” პროსტიტუციისთვის ოთახებს სისტემატურად აქირავებდა.
სასტუმროში მომუშავე სომხეთის მოქალაქე სამი ქალბატონი მოწმის სახით დაიკითხა.
გამოძიება პროსტიტუციისთვის ადგილის გადაცემის ფაქტზე მიმდინარეობს (საქართველოს სსკ-ის 254-ე მუხლით).
აღნიშნულის შესახებ ინფორმაცია შსს–ს ვებ–გვერდზე გავრცელდა.
დონორები
9arkhi.wordpress.com 
You must be logged in to post a comment.