შშმ პირთა ცენტრი, ,,ტალიტა კუმი” ოფიციალურად გაიხსნა

შეზღუდული შესაძლებლობების მქონე პირთა ცენტრი ,,ტალიტა კუმი“ ოფიციალურად გაიხსნა.  დაწესებულება, სადაც რეაბილიტაციას 11 აღსაზრდელი გადის, ბერლინის მალტელთა ორგანიზაციის,  კამილიელთა ორდენისა და წმ. ნინოს კონგრეგაციის წევრთა ერთობლივი პროექტია. ცენტრი ახალციხის კათოლიკური ეკლესიის სამრევლოსთან არსებობს. აქ აღსაზრდელები არტ თერაპიისა და მუსიკის კურსებს გადიან. პედაგოგთა დახმარებით ისინი კვირაში 3 დღე სხვადასხვა ხელსაქმის კეთებას სწავლობენ და დეკორაციულ ნივთებს ამზადებენ.