ავტოსაგზაო შემთხვევა ახალციხეში

დღეს,დაახლოებით 21:00 საათზე, რუსთაველის ქუჩის მიმდებარე ტერიტორიაზე ავტოსაგზაო შემთხვევა მოხდა. თვითმხილველების თქმით, მძღოლმა საჭე ვერ დაიმორჩილა და გზაზე გადამსვლელ, ფეხით მოსიარულეს დაეჯახა.
შემთხვევის შესახებ ინფორმაცია “მეცხრე არხს” შსს–შიც დაუდასტურეს. გამოძიება საქართველოს სისხლის სამართლის კოდექსის, 276–ე მუხლის 1 ნაწილით მიმდინარეობს.
შსს საზოგადოებასთან ურთიერთობის სამსახურის წარმომადგენლის განცხადებით, მოზარდის მდგომარეობა დამაკმაყოფილებელია და მას ჯანმრთელობისათვის საშიში დაზიანება არ მიუღია.
გამოძიების ინტერესებიდან გამომდინარე, შსს “მეცხრე არხთან” სხვა დეტალებს არ ახმაურებს.