მესხური ვაზის ჯიშების პოპულარიზაციის მიზნით ახალციხეში ასოციაცია დაფუძნდა

ახალციხეში სამცხე-ჯავახეთის ტრადიციული მეღვინეობის ასოციაცია დაფუძნდა. პრეზენტაცია დღეს ახალციხის დემოკრატიული ჩართულობის ცენტრში გაიმართა. დამფუძნებლის გიორგი ნათენაძის განმარტებით, ასოციაცია მესხური ვაზის ჯიშების მოძიებას, აღდგენას და გავრცელებას ითვალისწინებს. გარდა ამისა, მოხდება დაინტერესებული ფერმერების გადამზადებაც, რის შემდეგაც ღვინის ჩამოსხმასა და რეალიზებაში ასოციაცია დაეხმარება.