ახალციხის მუნიციპალიტეტში 5 ინფრასტრუქტურული პროექტი დაფინანსდა

ახალციხის მუნიციპალიტეტში ახალი ინფრასტრუქტურული პროექტები დაფინანსდა, რომლის ფარგლებშიც ქ.ახალციხეში, გვარამაძის ქუჩის გზის რეაბილიტაცია, სასმელი წყლისა და საკანალიზაციო სისტემის მოწყობა იგეგმება. რეაბილიტაცია ჩაუტარდება ამავე ქუჩაზე მდებარე გადასასვლელს.
საქართველოს მთავრობის 34–ე და 35–ე განკარგულებით დაფინანსებული პროექტების სიაში მოხვდა სოფლების – პამაჯისა და წყალთბილის ცენტრალური გზის რეაბილიტაცია და სოფელ ღრელის საავტომობილო გზის მოასფალტება. ასევე იგეგმება ახალციხეში ჯაყელის ქუჩის მშენებლობა, რომლის პროექტიც ტენდერის ჩავარდნის გამო გასულ წელს ვერ განხორციელდა.
აღნიშნული ინფრასტრუქტურული პროექტების დასაფინანსებლად სახელმწიფო ბიუჯეტიდან 384,214 ლარი გამოიყო.