ახალციხის მუნიციპალიტეტის გამგეობაში 71 ვაკანსიაზე 547 განაცხადი შევიდა

ახალციხის თვითმმართველობაში საკონკურსო კომისიამ განცახდებების შესწავლა დაიწყო. პირველი სხდომა 14:00 საათზე ჩატარდა, რომელსც კომისიის 9 წევრიდან მხოლოდ 7 დაესწრო. საკრებულოს თავმჯდომარის თქმით 2 წარმომადგენელი საპატიო მიზეზის გამო განაცხადების განხილვისას ვერ გამოცხადდა. ოლეგ სანდროშვილის განმარტებით, ადგილობრივ ხელისუფლებაში 71 ვაკანსიაზე 547 განაცხადი შევიდა. ის პირები, რომლებმაც თვითმმართველობის მიერ მოთხოვნილი საკვალიფიკაციო პირობები ვერ დააკმაყოფილეს, კონკურსიდან ავტომატურად მოიხსნენ.