ჭელის მიმდებარე ტერიტორიას სპეცრაზმი აკონტროლებს

ადიგენის მუნიციპალიტეტის სოფელ ჭელაში სპეცდანიშნულების რაზმია მობილიზებული. რატომ გახდა საჭირო სამართალდამცველების გამოძახება, ამ დროისთვის უცნობია. ჭელის მეჩეთის წინამძღვრის განმარტებით, ისინი მხოლოდ სიტუაციას აკონტროლებენ.
სოფელში იკრიბება მართლმადიდებელი მრევლიც.
“მართლმადიდებლები აქვე არიან შეკრებილნი, მეჩეთთან ახლოს და ლოცულობენ. ილოცონ, ჩვენ მათ სიძულვილით არ შევხვდებით” – აცხადებს ჭელის მეჩეთის წინამძღვარი ჯამბულ აბულაძე.
მისივე მტკიცებით, რომელიმე მხრიდან შეურაცხმყოფელ ფაქტებს ადგილი ამ დრომდე არ ჰქონია.
შეგახსენებთ, რომ მინარეთის ხელახლა დადგმას მაღთლმადიდებლური მხარე გამოეხმაურა. მათ სოფელშივე სავედრებელი პარაკლისი გადაიხადეს.