მესხური ტენილი ყველის დამზადების ტექნოლოგიას კულტურული მემკვიდრეობის ძეგლის სტატუსი მიენიჭა

საქართველოს კულტურისა და ძეგლთა დაცვის მინისტრის გურამ ოდიშარიას ბრძანებით, არამატერიალური კულტურული მემკვიდრეობის ძეგლის სტატუსი მესხური ტენილი ყველის დამზადების ტექნოლოგიას, ცეკვა „ხორუმს“ და საბავშვო ლიტერატურულ ჟურნალ „დილას“ მიენიჭა, .
გურამ ოდიშარიას ბრძანება #03/207–ის მიხედვით, აღნიშნული სტატუსის მინიჭება საქართველოს უმნიშვნელოვანესი ისტორიულ–კულტურული ფასეულობების სამართლებრივი დაცვის უზრუნველყოფის მიზნით გადაწყდა.
აღნიშნული ბრძანება მინისტრმა 2013 წლის 13 ნოემბერს გამოსცა. დოკუმენტი კი საკანონმდებლო მაცნეში დღეს გამოქვეყნდა.