ახალციხეში ტოლერანტობისა და მაჰმადიან მესხთა დეპორტაციის 69-ე წლისთავი აღნიშნეს. შეხვედრა დემოკრატიული ჩართულობის ცენტრში გაიმართა. ღონისძიების ორგანიზატორებმა ისტორია გაიხსენეს და მოწვეულ სტუმრებს მაჰმადიანი მესხების ცხოვრების ამსახველი ფილმი უჩვენეს. შეხვედრას რეპატრირებული მესხები, სტუდენტები, ადგილობრივი თვითმართველობისა და არასამთავრობო სექტორის წარმომადგენლები დაესწრნენ.