ახალციხეში ტერიტორიული მთლიანობისთვის დაღუპული გმირები გაიხსენეს

1992 წლის კონფლიქტს ახალციხის მუნიციპალიტეტიდან 12 მებრძოლი შეეწირა, რომელთა სახელებიც ახალციხეში კიდევ ერთხელ გაიხსენეს. მებრძოლთა ხსოვნის პატივსაცემად  ვეტერანთა კავშირ ,,თეთრი სახლისა” და მუნიციპალიტეტის მხარდაჭერით ცენტრალურ პარკში ღონისძიება გაიმართა. მოწვეულ სტუმრებს შორის ტერიტორიული მთლიანობისათვის დაღუპულ გმირთა ოჯახისწევრები და ახლობლები იმყოფებოდნენ. ღონისძიებაზე ორგანიზატორებმა მებრძოლთა დამსახურებაზე ისაუბრეს და მათი  სულის მოსახსენიებელი პანაშვიდი გადაიხადეს.