ხანძარი კოსტავას ქუჩაზე საკვამურიდან გაჩნდა

    რამდენიმე წუთის წინ ახალციხეში, ძველი ბაზრის ტერიტორიაზე    საცხოვრებელ კორპუსს ცეცხლი გაუჩნდა.  კოსტავას #41–ში ხანძარი სავარაუდოდ, საკვამურიდან გაჩნდა. შემთხვევის შესახებ ახალციხის სახანძრო–სამაშველო სამსახურში შეტყობინება 12 საათსა და 25 წუთზე შევიდა.  ადგილზე  სახანძროსთან ერთად მობილიზებული იყო  სასწრაფო დახმარების სამსახურიც. ადგილობრივები ამბობენ, რომ ტერიტორიაზე, კვამლის არასასიამოვნო სუნი იდგა და დახმარება ითხოვეს.

ახალციხის სახანძრო სამაშველო სამსახურში განმარტავენ, რომ ხანძარი საკვამურიდან გაჩნდა. მისი  ლოკალიზება დროულად მოხერხდა და  საცხოვრებელი კორპუსის დაზიანება არ გამოუწვევია.